دارى دمعك وخبى
وروح بارك ياقلبى
اياك تضعف وتبكى
لتجرح قلب حبيبى
متكونش ياقلبى جانى
متكونش ف يوم انانى
حاول تبعد وتنسى
الحب الأولانى
ابعد ولو ثوانى
انسى الشوق والأمانى
يمكن ترجع بفرحه
تلاقيها ف قلب تانى
دارى همومك ياقلبى
امسح دمعة عيونك
دارى جراحك وخبى
اوعى ضعفك يخونك
شايف ضحكه ف عنيها
خليها ياقلبى فيها
وقول مبروك عليها
وروح بارك وهنى
نهرب ونروح على فين؟
ياقلبى يا مسكين
ف اى مكان نروحه
هيعذبنا الحنين
حنينى لذكرياتى
لدموعى ونار اهاتى
وصوت جواك بيصرخ
عمال عليه ينادى
زمان كان نفسى اشوفه
او حتى احس طيفه
من بعد الليله هبعد
واقول يارب صونه
يارب زود فرحته
يارب قلل دمعته
وقلب حبه سنين كتير
خارج خلاص من دنيته
دارى دمعك وخبى
اياك تضعف ياقلبى
موضوع: دارى دمعك يا قلبى...اياك تضعف وتبكى 